Með tilkomu snjallsíma og spjaldtölva hafa opnast áhugaverðir möguleikar varðandi tímaskráningu.

Í mörgum þessara tækja er búnaður sem virkar með NFC (near field communication).

NFC stendur fyrir „nálæg samskipti“ og má segja að það sé einskonar nándarskynjun með möguleika á meiri samskiptum.

Þetta gefur möguleika á að láta tvö tæki „tala saman“ auk þess að geta notað svokölluð TAGs. TAG geta verið á ýmsu formi, sem kort, miðar, lyklakippur og margt fleira. Þau þjóna þá svipuðu hlutverki og aðgangskort og slíkt hafa í dag.

Þannig má nýta þessa tækni til tímaskráningar á margan hátt. Með þar til gerðu Appi, eða í gegnum vefsíðu. Ýmsar útfærslur mögulegar.

Einn möguleiki er svo til viðbótar í þeim tækjum sem eru með staðsetningarbúnað í sér, þ.e. að láta þau um leið skrá staðsetningu viðkomandi. Þannig er þá vitað hvar starfsmaður er þegar hann/hún skráir sig í/úr vinnu.

Kostir:

Oftast frekar einfalt í notkun
Rafræn skráning
Býður upp á einfaldleika og sjálfvirkni við úrvinnslu
Getur verið tiltölulega lítill stofnkostnaður
Einstaklega þægilegt fyrir starfsfólk

Gallar:

Notandi þarf að hafa annaðhvort snjalltæki eða TAG á sér.

Mjög algengt form á tímaskráningu í dag er að notast við skráningastöðvar þar sem starfsmaður notar kort. Það geta ýmist verið svokölluð nándarkort, strikamerkjakort eða segulrandakort.

Oftast er notast við sérstakar skráningastöðvar til verksins en einnig er mögulegt að notast við venjulegar tölvur. Er þá tengdur lesari við tölvuna sem getur skannað kortin.

Það er gríðarlegt úrval til af tækjum og lausnum í þessa notkun. Enda eitt algengasta formið á tímaskráningu í dag, ásamt tímaskráningu með innslætti. Oft er þessu reyndar blandað saman þ.e. bæði notast við kort og staðfestingu með númerainnslætti.

Hægt er að fá lausnir þar sem einungis er safnað skráningum í skráningastöðinni sjálfri og þær síðan teknar reglulega til úrvinnslu. Einnig er hægt að fá lausnir þar sem skráningar safnast sjálfkrafa miðlægt til úrvinnslu.

Þetta er mjög sniðug lausn ef fyrirtæki er í aðgangsstýrðu húsnæði. Þá er hægt að fá sér lausn sem notar sömu kort og eru notuð í aðgangskerfinu.

Kostir:

Oftast frekar einfalt í notkun
Rafræn skráning
Býður upp á einfaldleika og sjálfvirkni við úrvinnslu
Sæmilega öruggt ef kort eru ekki geymd á sameiginlegum stað

Gallar:

Getur verið töluverður byrjunarkostnaður
Starfsmenn geta stimplað hvorn annan inn/út ef kort eru á sameiginlegum stað