Það færist í aukana að notast við lífkenni (biometrics) þegar tímaskráning er annarsvegar.
Nýjustu fréttir af þeim vettvangi herma að verið sé að skoða “skönnun” tanna í þeim tilgangi að auðkenna einstakling.
Enn er þetta þó á prófunarstigi og því ekki neinar lausnir komnar á markað. Skemmtileg hugmynd, þó ekki sé víst að þetta spili vel með algengri notkun andlitsgríma.
Þessi lausn yrði þægileg í notkun, ekki þarf að muna neinar tölur eða passa að gleyma ekki kortinu sínu. Eingöngu þarf að „brosa“ í þar til gert tæki sem „þekkir“ þannig viðkomandi og skráning á sér stað.
Í lífkennalausnum vinna tækin yfirleitt þannig að þau búa til auðkenni sem síðan er vistað í tækinu. Þau geyma því ekki mynd af lífkenninu sjálfu. Úr þessu auðkenni er ómögulegt að endursmíða lífkennið sjálft. Þetta er grundvallaratriði varðandi persónuvernd.
Kostir:
- Oftast mjög einfalt í notkun
- Rafræn skráning
- Býður upp á einfaldleika og sjálfvirkni við úrvinnslu
- Hægt að gera á frekar ódýran hátt
- Þarf ekki að muna eftir korti og/eða tölum
Gallar:
- Sérsmíðaður búnaður getur verið frekar dýr
